Matteo Renzi

Come già accaduto in altre occasione Tonino Cau (tenore di Neoneli) ci regala il suo pensiero sui fatti di cronaca con dei  versi in sardo …..questa volta riguarda Le Primarie dell’Immacolata ….. qui sotto il prologo del poeta e la sua composizione …

Tonino Cau (tenore di Neoneli)

 

 

 

 

 

 

Mi sono venute alcune misere ottave che sottopongo alla vostra paziente e generosa lettura, e vi chiedo anche un riscontro, se e come volete. Vi abbraccio.

 

COMO CHI AS BINTU

Como chi as bintu, Renzi, custa proa,
cun d’una bete manna majoria,
como chi ses lezitima sa ghia,
cominzat un’istoria noa noa,
sas divisiones non lassene coa,
como pensa a unire, unire ebbia,
cun Cuperlo e Civati faghe liga,
ca est zente de cabbale e t’est amiga.

Faghe de su partidu su rennou,
as cominzadu bene, sighi e bae,
como in manos tuas est sa giae,
de su chi as nadu est a dare prou,
des cominzare su programma tou,
no est unu giogu ca sa crisi est grae,
s’Italia est a su puntu de s’ifagher,
tocat chi t’acartzones, est a fagher!

Sa zente at nadu in s’urna ca at ispera,
isetat un’arveschida pius giara,
ch’est bell’e covecada intro sa mara,
e dae sas tassas est fat’a bisera,
non s’idet fine a s’istajone avara,
de la mudare faghelu a manera,
ses zovanu, aibbadu, intelligente,
pensa a su bene de totu sa zente.

Cominza cun sa leze eletorale,
ca est unu machine ischietu e feu,
pois, deretu, incuru e impleu,
pone in favore de sos ch’istan male,
de sos disocupados in anneu,
chi giughen in su tuju su dugale,
de sos intelletuales e precarios
chi si lis andat bene sun saltuarios.

Abbaca privilegios udiosos,
e mengua in sa politica su gastu,
atentu a cando tocas cussu tastu,
ca ti minetan che canes runzosos,
lassa chi tzarren cussos burdellosos,
tira ainnanti e pone bonu imprastu,
si faghes cosas giustas, de cuscentzia,
as a lograre sa reconnoschentzia.e

Pensa a s’iscola chi est in pelea,
e a sos esodados a sa gana,
no an tribbagliu e pensione no ana,
Fornero lis at postu sa trobea,
e a sos pensionados, no as bidea,
tiran sa vida, ma cantu est metzana?
E si non bastat, tenen fizos mannos
disocupados fin’a barant’annos.

Podia sighire, sa listra est longhita,
bi cherene sabiesa e voluntade,
non perdas ora, custa sociedade,
de la sanare tue istat apita,
est atrudida, bisonzosa e frita,
chi nde li bastat finas sa metade,
tue Mateu sias bona ghia
curas sos males chi as postu in ria.

Si as a fagher cantu as promitidu
as a lograre bantos e onores,
as a unire totu su partidu
e as a balanzare in eletores,
custu cherimus, ca sos ranchidores,
e custa crisi nos at issentidu,
bae, ufra sas velas a su entu,
no as a esser solu in cuss’apentu.

Tonino Cau 10 dicembre 2013

(tenore di Neoneli)

(468)